إستفهامات شعرية

[غَيْم..!]

مو شرط تصبح كل الأوقات لّماح
‏ترى التغابي .. من فنون الذهانه ..!

[نبض راقي]

‏حبيبي ترا بيني وبينك عتابٌ احباب
ولولا غلا حضرتك والله ما أعاتبها

من الشوق والغيره عليك افقد الاعصاب
تراني دخيلك حالتي لا تعذبها

لو اقول بزعل جد وافارقك ؟ كذاب
اول مره اضحي بروحي واكذبها .

[زهرة الشمس]

هو يدري إن الغلا له سر وإجهار
وإن الفرح ممكن يجي من رسالة.

[يقين]

وينك؟ تعال الجو بعدك ولا شي
‏ما فاح ريحانه و لا اهتز عوده

[نبض راقي]

المحبه حاجةً من عند ربك
لو جحدنا عيوننا تضهر عليها
.
ويش فيها لو عرفت اني احبك..!!
سايلك بالله قلي ويش فيها..؟
.

[غَيْم..!]

عوّدت نفسي ماتحسّف على شي
‏لأن العمر ما يحتمل للحسايف

‏بعيش لحظات الفرح دامني حي
‏وبزرع الضحكه بجرد الشفايف

‏ولا ألحق الهقوات شيٍ ماهو لي
‏ولاعدت اجزع من فراق الولايف

‏إن غاب غالي فـ الحزن باخذ شوّي
‏أيام و تروّح علومه طرايف

‏موصيٍ قلبي لاشفت الخطا عيّ
‏امّا تعدلها أو تصد عايف ..!

[نبض راقي]

مشتاق لك لكن ماقدر أسأل
محتاج لك لكن ما أقدر أجيك

لا عارف أوصلك ولا عارف أرحل
تهات خطاويي بزحمة خطاويك

يجن عقلي فيك وأحاول أعقل
وأحاول أبعد عنك لكني أبيك

مشيت خطوة بس ما قدرت أكمل
أنا عجزت أنساك وأبعد وأخليك"

[زهرة الشمس]

ياكم صامتٍ في صدره الرحب مايخفيه
لاضاق الفضا به ما دروا به موالينه

وياكم مبتسم خلف ابتسامته مايبكيه
يجوز يتبسم لجـل ما تفضحه عينه !

[نبض راقي]

كفوفنا ؛ لـ المواصل ، دوم ممتدّه
وقلوبنا ؛ بـ الوفا ، والصّدق مليانه

الطيّب ؛ نحبّه . . ونغليه . . ونودّه
واليا بغانا ؛ نصير أقرب من أخوانه

[زهرة الشمس]

دنياك يا صاحبي حظوظ ومقادير
تضحك معك والله يعينك عليها

ناسن ï؛‘ قوة حظها تطرح الطير
وناسن تطير طيورها من يديها

[نبض راقي]

مياسة القد ما للوصل عندك مجال؟
طالت ليال المعاتب والسهر والعنا

انتي على غيري من الناس صعبة منال
متفانية لي بحبك لين يوم الفنا

من بيننا طالت الصدة وطال الجدال
لمعانق الحب والاشواق هيا بنا

في ليلة فارقه عن سابقات الليال
ابطالها الشعر والاحساس وانتي و انا

[زهرة الشمس]

خلك مثل م أنت نظرات و أسلوب
و عيـون خلـق اللّـه لـنفسك مـرآيآ
/
الناس ماهي تـكره النـاس لـعيوب
النـاس تكره نـاس لإجل المـزآيآ

[نبض راقي]

‏آفل النور واجتاح الظلام المدينه
من يرّد النهار اللي خذتهْ الغداري ؟

موصد الباب دون الذكريات الحزينه
وش يذرّيك ؟ لا هبّت عليك الطواري

خلّ كل الهموم اللي بصدرك سجينه
دام محدٍ عن اللي في حناياك داري

ما بقى للرحيل إلاّ صعود السفينه
ليت الأحلام كانت " تستحق إنتظاري "

[زهرة الشمس]

ضبط علاقاتك مع فروضك الخمس
عشان تلقى : في حياتك حياتك

تكبيرك العالي و تسبيحك الهمس
فيهم رضى ربك .. ومنهم نجاتك

[نبض راقي]

‏ما الله خلقنا نرضي فلان وفلان
إليا رضى ربي علينا اكتفينا

نداري الخطر على حسب الامكان
اما مشت بالطيب ولا مشينا

[زهرة الشمس]

العمر يفنى والحياة احلام والدنيا متاع
ياكم نفسٍ روّحت ما حققت مطلوبها

[نبض راقي]

هو صحيح قلوبنا عيّت تلين

هو صحيح الناس ما تعرف تحب

او صحيح اللي يسموا صادقين

تاهوا بدروب الخيانه و الكذبï»؟

[زهرة الشمس]

لا رحت خذني معك من وين ماودك
مانيب تعبان لو طالـت مشاويرك

وان ضعت في زحمة الأيـام من يدك
وداعتك قلبي اللي مـايبي غـيرك

[نبض راقي]

إن كنت احبك حب عاتي وجارف
أرفض هواني ..دون هذا المنايا
أصدق ثلاث حروف في الحب آسف
ومنك الأسف يمحي جميع الخطايا :12793985341:

[زهرة الشمس]

إقرا عيونــي وإتـرك الشعــر للناس
اللي بصـدري شـــي ماينحكـى به

أنا شعــوري يا الغـلا كله احساس
مايوصفــه كثـر الحكـي و الكتابه

فيني مشاعــر كاتمـه كل الانفاس
وفيني ولــه أفقـد لعقلـي صوابه

وفيني محبـه لـو بالاميـال تنقاس

[نبض راقي]

ماعـاد أبي وصفـه ... ولا طب دكتور
لي وصفـة ٍ تغـني عن الطب … كــلّه

شوف الهنوف اللي عكس خدها النور
ينعش فـؤاد الروح …. عـن كل عــلّه

[زهرة الشمس]

عسانـي اسرّ قلبك ولا اضرّه
وعساني فيه طول العمر باقي

[نبض راقي]

يا رقيــــق الطبــــع يا الذوق الفريد
ليت تعـرف داخلــــــي معنى غلاك

انت عشــق وانت حــب وانت عيد
وانت نـــور الكــون وانـواره معاك

كل لحظــــه يا الغـلا حبـــك يزيد
وكل يـــوم اعشقــك لاخــر مداك

ايه احبك واعشقـك واعشق وازيد
وانتثر وامــــوت في روعــة هواك

[زهرة الشمس]

لك المرحبا ولك ابشر ولك تمٍ ولبيه
ولك عيني اليمنى قبل عيني اليسرى

[نبض راقي]

ياليتني واجب واناديك وتجين
في دور مابه من المحامين غيرك

جيتك قضيه مابها ضرب او دين
جيتك مشاعر بالهوى تستجيرك

جيتك احبك واعشق لو تشوفين
تركت خلفي كون واتبع مسيرك

جيت اشتكيلك منك ياكامل الزين
قلبك خصيمي والمحامي ضميرك !!

[زهرة الشمس]

خذاني الشوق لك ياذوق .. الا يااحلى ورود خزام
الا يامتعة ايامي .. مع شهوري على سنيني ..
صحيح ان العشق يذبح .. الا يامصدر الالهام
وقلبٍ تملكه دايم .. على حبك يوصيني ..
احبك مملكة عمري .. وحبك ثورة الايام

[نبض راقي]

يارقيــق الطبــع يابــو طبع رايع
اسالك بالله راعــــي لـي حنيني

طلتك عندي دواء كل المواجع
جعل ماتبعـد على مـر السنيني

[زهرة الشمس]

همس الوفاء باقي مع النبض والصوت
لو غبت يبقالك ـ ضمير الوفاء حـي

[نبض راقي]

مشتاق لك واحسـاس قلبي يناديك
وعينـي على شوفك تخايل بصـرها

الروح ذابــت يابعـــد روح مغليك
والنفس تعبت مـن غيابك كسرها

[زهرة الشمس]

تجي نسهر
نسولف مع بعض أكثر
ويمر الليل مانشعر ..
نعزف دندنه تبهر ..
تغني لي : أحبك حيل
وأغني لك : أنا اكثر !

[نبض راقي]

‏مساك انا والشعر والحب والشوق
ومساي حبك في حنايا ضلوعي

[مسگ]

راعي الطير يتضايق لاضاع طيره
وشلون لاشاف طيره على كف غيره ؟

[غَيْم..!]

أزعل عليك من الشهر يوم يومين
‏و أشتاق لك تسعه و عشرين ليله

‏و أخلق لك الغايات وحده و ثنتين
‏لو ما تبرر كل " غايه " وسيله

‏إن دارت الدنيا على طبعك الزين
‏ما همَّشت بـ الذكريات الجميله

‏ما عندي الا قلب ما هو بـ قلبين
‏لا غاب غالي ما إنتظرت لـ بديله ..!

[زهرة الشمس]

مكتفي فيك حتى في غيابك
ما سمحت لـ غيرك يملي مكانك ..

[غَيْم..!]

يالله بذكرٍ لا توفيت ما مات
‏على فعول الطيب وإقامة الفرض

‏يالله تجعل شهرتي في السماوات
‏مالي ومال الشهره اللي على الارض ..!

[نبض راقي]

مرّوا على قلبي وواسوه تكفون
تـراه مـا ذاق الحياة السعيده

قلبي آدمي ياناس يعني وش يكون؟
قطعة لحم ماهيب قطعة حديده

[زهرة الشمس]

لأنك عھل انتباهـي انا لا أجيد الإلتفات لغيرك .

لأنك المكان الذي يناسبني [ أجـي يَـمـك ] .

[نبض راقي]

عزت علي نفسي ونفسي عزيزة
ماهي بترضى موقف الذل والهون

الله خلق فيها كرامه غريزه
ياكون فـ عالي الهرم ولا ما كون

[غَيْم..!]

لو تطلب النفس الكريمة تلبّيك
‏وشلون لو تطلب كريمٍ خلقها ..!

[نبض راقي]

ياليتـني فالبال ياللـي على البال
وتعيش وصلي مثل ماعيش وصلك

لو كان بيني وبينك اميال واميل
تلقاني اقرب من ثيابك لخصرك

[زهرة الشمس]

سواليفه العذبه تطيّر عماس الراس
لاسولف معي ماكنّه ألا .. مقهويني

[نبض راقي]

ياحـب قلبـــي فيـك ذايب وولهان
والروح ياروحــــــي غرامـك نهبها

وعشقك تمـلك داخلي كل شريان
حتى العظـام اللي بجسمي سكنها

[زهرة الشمس]

كل ما ضاقت بك الدنيا تعال
. تدري أن قلبي لجياتك وسيّع

[نبض راقي]

يا ساكنــــين القلــب يسعد مساكم
بالعووود والعنبـــر ونفحــة عطوره

والله ورب البيـــت ماقــــد نساكم
واشلون ينسى من سكن في قصوره

في داخلـي ماحد وصـل مستواكم
زايــد غلاكم صعب نوصف شعوره

[زهرة الشمس]

ولو يأتيني هاربًا من أذى دُنياه ، لأصبحت أنا دُنياه ومافيها

[نبض راقي]

انت تدري وش أجمل منك في عيني
انت لاصرت مبسوط على شاني

تكرم البسمة اللي منك تكفيني
كيف أناديك عمري والعمر فاني

كل شي خلق بك لك يناديني
إنت غير الجميع ولك غلا ثاني

قلت أبذكرك وأثرك ساكن فيني
بين عيني وعيني ما تعداني

[زهرة الشمس]

هَا هُم يرونَكِ دُونَ جهدٍ بَالغٍ
‏يا ليتنِي كُلّ النّاظرينَ إليك

[نبض راقي]

‏لاتسأل الشـــوق عنـي وانت أدرابي
نفسي تمنـاك وانـت أغلـى حبايبها

أغلى من عيوني الثنتيـن وأصحابي
وأغلى من الناس حاضـرها وغايبها

[زهرة الشمس]

إنْ كان في صُدَفِ الأزمانِ رائعةٌ
فأنت خيرُ ما جادتْ به الصُّدَفُ

[نبض راقي]

بسألك السهر بدوني كيف غادي
ما اطري عليك لو شويه

خبرني عشقت السهر فبعادي
ولا كرهت السهر و طاريه

يا حبيبي بعادي عنك حيل عادي؟
ابد ما يمرك الشوق يوميه

[يقين]

أغدا تشرق اضواءك
في نون عيوني ؟

[نبض راقي]

من اللي يشوف الوجه هذا ولا يهواه!
وش الملح لو ما هي ملامحة شرقية ؟

عيونك ليا هام البصر في حورها تاه
نواعس تقول إنها من الخمر مسقية

[غَيْم..!]

مادام كل شيّن مصيـره .. بـ ينزاح
‏مافيه حاجــه .. تستحق الحسافــه
‏وان كان ودك تقضي العمـر مـرتاح
‏خل بينك وبين الخلايق .. مسافـه ..!

[غَيْم..!]

ومصير الايام تكشف لك خفايا الصدور
‏كانك تشوف الوجيه و تجهل قلوبها ..!

[نبض راقي]

صحيح ماجتنا الليالي على الكيف
مره تجينا ثقال ومره خفافي

الحال مايحتاج نشده وتوصيف
ماكل يومٍ ينحسب لي عوافي

ظروفنا تشبه سحابٍ من الصيف
بعد المطر تهب صلف السوافي

وليا نشدنا من يحب السواليف
قلنا بخير ولا لحقنا خلافي

[غَيْم..!]

من رخصني ما ربح غير ابتعادي
‏ومن ربحني لو يبي عيوني عطيته ..!

[نبض راقي]

أأنتِ وقتي إلى ما لستُ أعرفُهُ
كم لي إلى غيبِكِ الدفاقِ ترحالُ

وكم إلى الوقتِ تصبو نبضتي وأنا
أقفوكِ والليلُ أشواكٌ وأهوالُ

[زهرة الشمس]

غابو عنا ورحلوا والمشاعر ماسلوا
في وسط صدري غلوا من فراق الغايبين
الهنا معهم رحل وجسم فاقدهم نحل

[نبض راقي]

هذي ثمان آيّام وبخاطري شي
وآبغى جوابك دام ( غبت وفقدتـك )

ما دام مات الوصـل وفراقنـا حـي
آسئلك في رب البشر ( ماوحشتك )

[زهرة الشمس]

ان ما حصل ودٍ على غاية الكيف
لا خير في شيٍ يجي بالكلافه .

[نبض راقي]

تكثر وجيه الناس ، والعمر فاني
‏وكم وجه من لوحة حياتي محيته

‏إلا انت وجهك في رفوف الثواني
‏من وين ما وديت وجهي لقيته

[زهرة الشمس]

أعطيه من وقتي يسولف وأسمعه
وأرخي له فؤادي وأرخي مسمعي

من كثر ما قلبي . . و تفكيري معه
أشتاق له حتى وهو يتكلم معي

[نبض راقي]

‏وين الذي في طلته يشفي الروح
والقلب لا شَرف حضروه تبسم

تعال قلبي دونك اليوم مجروح
و البعُد ماله بين الاحباب بلسم

[زهرة الشمس]

ما يهز الصادق إلا دمع عينه …
لا عطى من كل قلبه و انخذل .

[نبض راقي]

متى تيجي وأمسك يمني بيمناك
وأفرح وتفرح والليالي تغني

[غَيْم..!]

انا عدو الكذب والحقد والعيب
‏ما اصافح الطيّب عشان استغله ..!

[غَيْم..!]

يسأل عليك اللي من الناس يغليـك
‏يسـأل ويـرسـل ما يبـي غيــر ردك ..!

[عَازِفه الْحُرُوفُ]

كنت أظنك أقرب من القلب معدوم
صرت البعيد اللي لوجوده.. أتألم

[غَيْم..!]

؛





الشك زايل .. وخل اللي يظنونه
‏دعاويٍ خاب ساعيها وهي خابت

‏لا تلحق الناس فاللي هم يقولونه
‏"سوالف الناس لا ودت ولا جابت ..!

[يقين]

وينك ياللي كل مافيني يبيك
‏يانبض قلبي وهواه ودليله

[زهرة الشمس]

صباحُ الخيرِ يا وجهًا جميلًا
‏أضاءَ لِحُسنهِ نورُ الصباحِ

[غَيْم..!]

"لا صار قلبك نظيف ونيتك زينه
‏خل البشر حكيها ياكل حسانيها ..!

[يقين]

من ياخذ احساسي .. ويشتاق عني ؟

[غَيْم..!]

معادن الناس تظهرها . . . مواقفها
‏سلم على اللي يطول الوقت ماصدا ..!

[يقين]

هو انت جبر خاطر ولا رضا لعمري

[نبض راقي]

ما كساك البعد ب اشواق الرجوع
ولآ نويت تسأل ابد عن عاشقك؟.

[يقين]

يا سَيِّدي جفَّت حدائقُ بهجَتي
‏فمتَى سَتُجري في ثراها منبعَك ؟"

[عبادى]

حبيبتي ..
هل كنت تتسائلين عن قطرات الندى ؟؟

وكيف تسقط بعذوبة من روعة الأبتسامة في شفتيك ؟؟
...
أم عن هيجان البحر حينما يختلط رذاذه مع ريق شفتيك مثل النسمات وتنشيني؟؟

أم عن الحروف في أوراقي التي أمنتها أناملي كوديعة في شرفة العينين ؟؟ ...

آآآه منك ياأمراة كاملة الأنوثه حين تحتليني!!

ومن كل ما كتبته يدي لأجلك من حرارة الأشواق تحرقيني!!

كم تمنيت لو كنت تجلسين قرب شرفة كلماتي وتسمعيني!!

وتتأملين مبارزتي لآلام البعد عنك وتصبريني!!

انتظرك كي تمسكين بأطرافك منديلا لتمسحي عرقي وتبرديني!!

وأغوص في عينيكِ وأتحدى بها الآفاق لتغرقيني

وتمسدين على كتفي وتبتسمين لتزيلي ضعفي وتقويني

وأبتسم أنا بوجه جبروت الأحداق وتفرحيني

وسأجعلك ترتشفين من نزف نبضي المتأجج وبعدها ترويني

وسأسقيك قهوة الحنين وأتركيني بعدها لأذوب بين الشفتين

وسأجعلك تكلمين كل من يمر امامك من اجل إنقاذي كثيراً .. وأنت تأنين

وبحنانك تمدين للقلب الترياق والعبرات بقلبك



تهدهد متوسلة الأمل للشفاء بالترياق لتنجيني!!...

[نبض راقي]

ودريت إنك لغيري وأنفجر وسط الصدر شريان
رحلت وقلت يانبض الغلا وينك وأنا ويني

بموت من الحزن ومن الفراق ومن جفا الخلان
لكني لو بموت أهون ولا طرد المقفيني

[يقين]

هوٌ قلبّك مايحنّ ولا أنا بشٌوقي تماديتْ؟

[عبادى]

طلبت من قلمى ان يرسمك
لكنه رد بكل خجل اسف
لن استطيع فسالته عن السبب
رد قائلا انى اعرف رسم القمر
والظهور وارسم غيمه مطر
لكنى لا اعرف رسم ملاك على هيئه بشر

[نبض راقي]

ذكرتك ولا أدري متى كنت أنا ناسيك؟
متى غبت عني بأول العلم والتالي

قبل لاتجي طاري وأنا كنت في طاريك
تصدق.. وأنا قبل أذكرك كنت في بالي!

[يقين]

وينك؟ تعال الجو بعدك ولا شي
‏ما فاح ريحانه و لا اهتز عوده

[عبادى]

أتُحِبني قَدرَ ما يهواك قلبي يا انا
هل زارك السُهد مِثْلي ولَيلْكَ طال

يا سِرِّي ومَسِّرَتي ومَسَاري قُل لي
أيُّ شَيءٍ فيكَ على روحي يَحتال

[نبض راقي]

رغم الملام اللي بصدري جمعته
لو ترجع وتسأل من تحب قلت أنت

كل ما أرتفع صوت الأذان وسمعته
دعيت ربي يحفظك وين ما كنت"

[يقين]

وين بلقى لي بعد قلبك ملاذ
وين أروح لغير صوتك لاحزنت ؟

[نبض راقي]

إذا كنت أهرب منك.. إليك
فـ قل لي بربِّك.. أين المفَر ؟

[يقين]

يكفي بس تبقى معايا
‏منهو من بعدك مهم

[نبض راقي]

للحين وإنتي من عيوني تستحين ؟
للحين وإنتي بـ المحبه دافية ؟

[يقين]

وينك ياللي كل مافيني يبيك
‏يانبض قلبي وهواه ودليله

[نبض راقي]

ياترى كم بقى على لقى العين بالعينّ
ياترى كم خطوةٍ باقيه ، وامسك يدينك ؟

[غَيْم..!]

عندي يقيّن إن السكوت أنصاف
‏في الساعة اللي .. حكيها ضايع ..!

[يقين]

كيف تجفاني وانا اوفا من وفا