ماكل من يركب على الخيل خيال / فريق المسك

[سحآب]

ماكل من يركب على الخيل خيال
ولا كل خيل تعجبك هي أصيـله
ولاكل من يعجبك هرجه برجال
بعض العرب ملسون وايده بخ
الكل يلبس ثوب وشماغ وعقال
وعند اللزوم افعاله مهي قليـله
الرجل تثبت له أقاويل بافعال
لاقال شئ ونفذه هو دلـيله
والرجل لاشفته مع القيل والقـــال
ابعد عنه هذا صفاته عليــله
والكذب خله عنك ما فاد لو طال
قول الصدق ياصاح غنم وجميـله
وخلك شجاع وذي صفات للابطال
اللي كما سيوف تبارق سليـله
واللي شراك اشريه لو كان بالمال
خلك معه وان مــــــال دور بديله
واصبر ترى الدنيا تبدل بها أحوال
وما كل شئ صافي تشـــــوفه تجيله
وبعد الكدر تشرب صفا عذب وزلال
هذا الزمن فيه استــــقامه وميله
وصاحب خليل لو جفـا الوقت مامال
ترى الرجل يعرف بقيمة خليـله
واقفل على سرك بكتمان واقفال
بعض العرب يسمع و ينوي بحيله
وخلك أمين إذا توليت الأعمال
منخان في يوم الحشر يا حليله
خل التواضع فيك واضح بالافعال
ترى الكبر يردي بيوم وليـله
ولاتحسد اللي عنده اموال وعيال
وش ينفعك لو كان حـــسدك يزيله
ولاتزور تقلب الزين بطـال
الله عليم بالنوايا الدخـيله
وخلك رزين ترى المخفه للاطفال
واصفح عن المخـــــطي ولو زادقيله
واحمل همومك لو تزن وزن آلآثقال
بكره تروح وتنجلي لو ثقـيله
وصل الفروض ولاتنسيك آلآشغال
محدن في الدنيـــــا درى وش بقي له
وزور آلآقارب للرحم كون وصـــــال
وخلك عظيم الشان وسط القـبيله
وصلاة ربي عدم اهله مـــــــــــــال
على النبي اللي صفـــــاته جليله

[* السلطان *]

نقل

مميز

دام

لنا

جمال

ذوقك

[موفي الوافي]

احمل همومك لو تزن وزن آلآثقال
بكره تروح وتنجلي لو ثقـيله
وصل الفروض ولاتنسيك آلآشغال
محدن في الدنيـــــا درى وش بقي له
وزور آلآقارب للرحم كون وصـــــال
وخلك عظيم الشان وسط القـبيله


ابداع
سلمت يمينك

[غَيْم..!]

طرح مميز
يعطيك العافية على جمال الطرح
ل روحك السعادة ..

[فرح]

سلمت الايادي الله يعطيك العافيه

[عيسى العنزي]

شكرا لك على الموضوع
يعطيك العافيه
احترامي

[اسير الذكريات]

..




فاح العبق وأندلق عطركم يا احبة
لاجف مداد هذا السكب
يأبى آلآبدآع آلآ وآن يگون ملازما لكم
صفَحَه ترتَقِي بِالْجمَال الْعَاطِر
لَاعَدَمَنَا رَوْعَة مَجُهُوْدِكم
دُمْتم بِوِد وَكُل الْوَرْد
http://www.nalwrd.com/vb/upload/4183nalwrd.gif
http://up.3dlat.com/uploads/3dlat.com_14025248457.gif

[حـُـلم]

سلمت يمناك
الله يعطيك الف عافيه
في انتظار جديدك بكل شوق